XANZÁ

ADMITIDOS PROBA ACCESO C.S.

2012-02-16T11:48:00.003+01:00

Xa sairon as listas provisorias de admitidos nas probas de acceso a ciclos de grado superior.

Para quen queira ver o listaxe ir a este enlace

VISU

2012-02-14T01:48:00.006+01:00

Despois dun tempo con blog parado, volvemos, e para elo prepareivos un visu. Así estrullades a cabeza un anaquiño. Como sempre hai recompensa.

Mike Oldfield - Tubullar Bells

CONCURSO FOTOGRÁFICO: ÁRBORES, PATRIMONIO VIVO

2011-12-04T23:48:00.002+01:00

Para os fotógrafos e os que aínda non saben que o son, saíu un concurso de fotografía onde as protagonistas son as árbores.

O concurso de fotografía está convocado pola Delegación Institucional do Consello Superior de Investigacións Científicas (CSIC) en Galicia, co apoio do Instituto de Investigacións Agrobiolóxicas de Galicia (CSIC) e a Misión Biolóxica de Galicia (CSIC).

TEMA: O tema do certame son as árbores (exemplares illados ou conxuntos boscosos) que posúan un valor especial, entendendo este criterio como:

- árbores singulares polas súas características biolóxicas (grosor, altura, estado de saúde, rareza,…), pola súa situación ou enclave en condicións extremas, etc.

- árbores que poidan ter un valor relacionado con feitos históricos, tradicións populares, ritos, romarías, lendas ou simplemente anécdotas persoais.

As fotografías deberán ir acompañadas dun texto breve alusivo á imaxe. Crearase un Premio Especial Educabarrie (outorgado pola Fundación Barrié) para aquelas composicións (imaxe + texto) que sexan exemplo de respecto e convivencia entre humanos e árbores. O xurado deste premio será o público que poderá votar nesta categoría a través del Facebook.

Para saber máis: www.arbolespatrimoniovivo.es

Non vos durmades o prazo remata o 21 de decembro.

TROCO DE SEMENTES

2011-10-05T23:16:00.002+02:00

Neste encontro impartirase unha charla sobor "Extratexias legais das administracións para o control das sementes labregas" por parte de CARMEN FREIRE (Labrega e Secretaria xeral do Sindicato Labrego Galego)

Para máis información

http://redegalegadesementes.wordpress.com/

Os agricultores, tradicionalmente, non diferenciaban o grao da semente, pois o que se colectaba unha parte se destinaba a gardalo como alimento e outra parte (polo xeral os graos de mellor aspecto) gardábanse para sementalos ao ano seguinte, eran sementes que o propio agricultor ía seleccionando, mellorando a especie ou variedade, ademais favorecíase a adaptación aos diferentes medios. O intercambio de sementes era habitual polo que a economía non se resentía nese aspecto.

Agora as tornas son outras, cada vez somos máis dependentes das multinacionais en canto sementes, se necesitamos sementar calquera das hortalizas ou legumes que habitualmente comemos nas nosas casas imos á tenda e alí eliximos tal ou cal variedade, isto é debido a que o comercio de sementes foi regulado por diferentes normativas de sementes, reservando así o mercado ás grandes empresas.

Estas corporacións exercen unha labor de persuasión sobre a administración establecendo limitacións na produción de sementes a través dos sistemas de protección de melloras vexetais e a lei de patentes. Deste xeito obtense especies nun principio máis produtivas ou máis resistentes ás pragas ou enfermidades; pero máis vulnerables aos cambios, máis dependentes de fitosanitarios ademais de minguar a diversidade xenética e polo tanto á diversidade de alimentos, que levou tantos anos de selección natural!!!!

Con isto perdemos os recursos naturais e os labregos son os grandes prexudicados. É o noso deber revalorizar os coñecementos tradicionais en canto conservación e intercambio de sementes e fomentar a reprodución de sementes para cultivo ecolóxico e iso....depende de ti e de min.

INICIO CURSO

2011-09-17T16:25:00.009+02:00

Xa estamos de volta, mañá venres, día 23 de setembro ás 12 da mañá realizarase a presentación do Ciclo Medio de Traballos Forestais e Conservación do medio natural e o luns empezaremos coas clases.

Pois nada máis a empezar con ganas este novo curso e para ir facendo boca déixovos cunha foto de Carex remota.

A SACA DA CORTIZA

2011-06-07T00:33:00.022+02:00

O Quercus suber, é unha especie de crecemento lento, sen embargo, é unha especie interesante a nivel de produción forestal, xa que ofrece a súa cortiza en quendas de aproximadamente 10 anos nas zonas de Extremadura, Cataluña e Andalucía.

A sobreira chega á idade adulta aos 25 anos, tempo en que se lle arrinca a súa pel adolescente, rugosa, percorrida por gretas e irregular, nun proceso coñecido como Descortizado ou A saca da cortiza.

Eiqui podedes ver uns vídeos do Descortizado ou Saca de cortiza .

A codia da Sobreira pode chegar a medir ata 25 cm. Tamén existe maquinaria apropiada para ese proceso; pero non é tan recomendable, xa que o método tradicional segue a ser máis rápido e limpo. Ao final sempre hai que votar man da machada.

Déixovos con esta marabillosa reportaxe de fotografías de José Angel Vidal

INTERPRETANDO MAPAS

2011-05-10T12:34:00.006+02:00

Un alumno comentou que isto dos mapas non era para el, eu penso que todo aquilo que non se coñece provoca certo receo. O Club excursionista Acivro, ten un artigo onde podedes atopar unha explicación sinxela e amena da interpretación dos mapas e de conceptos que estivemos vendo na aula.

Non estaría de máis que lle votarades unha ollada, seguro que vos engancha, a información que aportan é moi fácil de comprender.

Recomendo tamén o libro Lectura de Planos (manual de topografía e orientación para excursionistas), de Luis Gilpérez Fraile, o libro está orientado para que os amantes da montaña podan interpretar un mapa e orientarse correctamente no monte, ademais no manual propoñen unha serie de exercicios para resolver e ir comprobando a asimilación dos conceptos básicos.

SEQUEIRO DE CARBALLO

2011-04-24T21:59:00.013+02:00

O único lugar de Galicia onde podemos atopar unhas instalacións para o tratamento de sementes atópase en Carballo, nun centro xestionado pola Consellería do medio rural.

No sequeiro de Carballo, podemos ver as operacións que realizan unha vez feita a recolección dos froitos das diferentes especies forestais: extracción semente, limpeza, clasificado e almacenado de semente para a posterior utilización, así como as ferramentas e máquinas empregadas neste proceso.

As principais especies coas que traballan son o Pinus pinaster e o P. radiata, inda que tamén traballan con sementes de especies autóctonas (bidueiros, ameneiros, carballos, sobreiras, capudres, freixos, érbedos...Aquí tedes unha mostra do que alí vimos na saída realizada ao final do primeiro trimestre.

No blogue do IES de Arzúa teñen dúas presentacións do centro SEMFOR, realizada por alumnado dese centro que ben merece lle votedes unha ollada:

Sequeiro Semfor de Carballo,
Traballo centro Semfor

O PAPEL DO EUCALIPTO

2011-04-05T23:54:00.007+02:00

No programa El Escarabajo verde realizaron unha reportaxe sobre o Eucaliptus globulus, árbore moi coñecido por nós, inda que o programa foi realizado en Huelva somos capaces de abstraernos e contextualizalo na nosa terra.

O papel do eucalipto

Aqui coma ali teñen unha fábrica para a produción de pasta de celulosa. En Huelva, existen miles de hectáreas destinadas ao cultivo do eucalipto, pero algunhas estan localizadas en espazos protexidos e desprazan, á flora e á fauna autóctona.

ADIVIÑANZA

2011-03-23T22:24:00.003+01:00

Recoñecer as plantas polas follas é unha tarefa interesante e a que, habitualmente empregamos para a identificación.

Algunhas das que mostro teñen unha cor de outono, haber que tal rastreadores sodes.

AGRICULTURA ECOLÓXICA

2011-03-17T22:51:00.004+01:00

O outro día presentábamos o vídeo A nova aldea, onde falaban agricultores ecolóxicos da súa experiencia.

Hoxe preséntovos o blogue de Pilar e Eloi Agricultores ecolóxicos que saian nese vídeo e agora teñen un espazo para irnos contando as cousas que van acontecendo pola súa empresa.

HORA DO PLANETA 2011

2011-03-09T22:29:00.006+01:00

Ás veces non podemos velas estrelas, e non é porque non haxa suficientes, nin porque o ceo estea con neboeiro, sinxelamente é pola cantidade de luces que temos acesas pola noite. Nas cidades cegamos con tanta luminescencia, é realmente necesario todo este gasto enerxético?

Hai xestos, como o aforro de enerxía, que son importantes. O próximo sábado 26 de marzo, ás 20:30 milleiros de persoas de todo o mundo unirémonos nun xesto simbólico: apagar a luz durante unha hora. Será unha forma de demostrar aos gobernos que temos un compromiso a favor do medio ambiente.

Únete á hora do planeta

Este será un xesto; pero sería marabilloso se o convertemos en algo cotiá e tódolos días nos lembramos de apagar esa luz que non fai falla, ou ter regretas con interruptores para desconectar os aparellos cando non os empregamos, ou empregar bombillas de baixo consumo, ou........e así poderemos velas estrelas e quizais algunha desas fugaces nos conceda algún desexo.

WWF tamén organizou a primeira edición do concurso Músicos polo Planeta e parece ser que foi un éxito. As cancións tiñan un denominador común: o coidado da natureza. WWF elixiu como canción gañadora "La Tierra no nos pertenece" do grupo Os Sundayers. Déixovos con eles:

A SERRA DO GALIÑEIRO

2011-02-25T00:37:00.006+01:00

A Serra do Galiñeiro é nosa e cando digo nosa é porque é de todos nós e todos podemos gozar dela, tamén todos temos a obriga moral de defendela.

O pasado domingo fíxose unha marcha para protestar, xa que coma moi ben sabedes, quérennos colocar uns eólicos no seu cumio. A pesar de facer moi mal tempo, o pobo deixou presente o seu malestar indo a escalar ao seu cumio. Por un día o Galiñeiro foi unha festa, o monte encheuse do colorido dos paraugas e chuvasqueiros, foron nen@s , vell@s, ciclistas e xente a cabalo,....as súas faldas foron docemente arroupadas para poder protexelas dunhas cabezas pouco pensantes e sen escrúpulos.

Neste enlace: Galiñeiro, podedes ver unhas fotos marabillosas dese día, feitas por Ignacio Oliveira.

O Galiñeiro posúe un encanto natural e é un referente para os vigueses e a súa comarca, ademais nas súas rochas están gravadas as pegadas dos nosos antergos. Estamos tan tolos que todo iso prima máis cuns megavatios de enerxía?

As protestas continúan, en Baiona este venres van facer uns concertos solidarios, neste cartel tedes as distintas actividades que organizan.

Déixovos con este informe sobre a Serra do Galiñeiro.

PLANTANDO ÁRBORES

2011-02-16T23:24:00.004+01:00

Hoxe quero presentarvos o blog dunha colega de profesión e amiga, que anda por outras terras; pero facendo máis ou menos o mesmo que no Baixo Miño.

O blog é Plantando árbores, e é moi interesante. Agora mesmo acabo de ver unha reportaxe titulada A NOVA ALDEA, onde fala da vida dunhas cantas persoas que decidiron gañarse e vivir a vida no campo en consonancia coa natureza, e vaia se viven ben. Que envexa me dan!!!

Unha curiosidade Eloi (o que sae ao principio da reportaxe) é o irmá de Tito (profesor neste centro dende que empezou o ciclo ata o ano pasado), dende aquí mándoche saúdos, contamos contigo para que nos veñas a falar das abellas.

ADIVIÑANDO CODIAS

2011-02-13T23:24:00.005+01:00

Ás plantas tamén se poden identificar pola súa codia, é especialmente interesante para aquelas que posúen folla caduca. Propóñovos un reto, identificar as codias que aparecen na seguinte presentación, coma sempre a persoa que o adiviñe terá premio.

Só dou unha pista, tódalas codias saíron nalgún momento neste blog.

AS RAÍCES: O CEREBRO DAS PRANTAS?

2011-02-09T23:33:00.004+01:00

Eduardo Punset preséntanos, neste programa de Redes, ao botánico Stefano Mancuso, director do Laboratorio Internacional de Neurobioloxía Vexetal, na Universidade de Florencia, descóbrenos os segredos e o poder das plantas e canda menos obríganos a reflexionar.

As raíces, a intelixencia das prantas

Que as plantas se moven, hoxe en día non temos ningunha dúbida, é o que se coñece por fototropismo e é o movemento das prantas en función da luz, debido a que existe un crecemento diferente nos dous lados da planta. Se as células dun lado divídense máis rapidamente que as do lado oposto, esa parte empezará a xerar unha especie de cóbado que acabará virando á planta enteira.

Nestas grabacións a cámara rápida, pódese observar.

A FLOR MÁIS GRANDE DO MUNDO

2011-02-06T22:59:00.005+01:00

Presentóvos a curtametraxe A flor máis grande do mundo, sobran as verbas.

ANO INTERNACIONAL dos BOSQUES

2011-01-31T22:00:00.012+01:00

Este ano nos blogs: O Papasol e O Toxo verde, ámbolos dous do IES de Tomiño, lembrábannos que o 2011 é o Ano Internacional dos Bosques. As dúas blogueiras fixeron moi ben en lembrárnolo e vós o alumnado de forestais, tedes que ser moi conscientes do que iso significa.

O ano internacional dos bosques, ten que ir máis alá dunha mera celebración, a protección dos bosques ten que ser un estilo ou unha filosofía de vida para vós, non o podedes illar dos estudos que agora estades a facer. Tedes que ser o exemplo a seguir e sentirvos orgullosos diso.

No monte, que a CMVMC de Tomiño nos cedeu para a súa ordenación, tedes un exemplo moi claro do que significa para moita xente o monte: un vertedoiro, o lugar onde cada quen pode tirar o que se lle antolle pois a nai natureza todo o envolve, camufla e fai que desapareza, e ... en certo modo é así, tan sabia é, que intenta desintegrar todo o que a ela chega e facer materia orgánica con iso; pero non da a basto, é moito o que lle botamos e coma cada vez esta todo máis contaminado e hai máis incendios, vai diminuíndo a diversidade e cando non hai biodiversidade tampouco haberá microorganismos que descompoñan os nosos refugallos. Todo está enlazado.

Cando vos mando limpar o monte no que estamos a traballar, non é un castigo, xa sei que vós non emporcades. O tedes que ver coma un elemento discordante que convén eliminar.

Tamén o 2011, a partir de agosto, é o ano internacional da xuventude, así que xuventude o monte está ahí para vós e vós tedes que estar para el.

ESTEIRO DO MIÑO con ANABAM

2011-01-26T23:25:00.007+01:00

Hoxe fixo un día de sol, destes días fermosos de inverno, onde a luz é máis clara e o sol penetra nas entrañas para darte enerxía.

Hoxe fomos a ver paxaros e vaia se vimos uns cantos.
Acompañounos Agustín de Anabam, que de xeito moi didáctico dounos varios consellos para diferenciar anátidas, limícolas, zancudas e outras aves costeiras e con eses telescopios tan marabillosos que teñen as vimos á perfección. Tamén organizou un concurso entre os de primeiro e segundo de forestais, penso que houbo empate, non si? As profas estamos moi agradecidas por este día.

E para lembrar unha mostra do que vimos na aula que teñen na Escola da pasaxe, preto o ferri e os paxaros do Esteiro. Inda que as fotos non saíron moi ben.

PROBAS DE ACCESO A CICLOS DE G.M e G.S.

2011-01-24T11:58:00.002+01:00

No DOG do día 20 de xaneiro, publicouse a Resolución pola que se convocan de xeito ordinario as probas de acceso a ciclos de grao medio e superior, para o curso 2011.

Na seguinte documentación podedes consultar o modo de acceso ou tamen na páxina web www.edu.xunta.es/fp a información relativa ao proceso.

Resolución de 11 de xaneiro de 2011, da Dirección Xeral de Educación, Formación Profesional e Innovación Educativa, pola que se convocan de xeito ordinario probas de acceso a ciclos formativos de grao medio e de grao superior de formación profesional en centros docentes sostidos con fondos públicos, para o ano 2011.
Nota informativa sobre as probas de acceso.
Calendario das probas de acceso de grao medio e superior.

XOGOS PARA EMPEZALO ANO 2011

2011-01-03T00:04:00.010+01:00

Agora ata estudar é fácil, atópanse en internet xogos tan divertidos coma este: XOGO DE RECOÑECEMENTO DE PAXAROS.
Nesta páxina podedes pasar un rato divertido recoñecendo aves, hai distintos niveis de dificultade: principiantes, avanzados e expertos, para que cada quen elixa segundo estea capacitado.

A páxina web www.asturnatura.com, tamén ofrece "visu on line", para que vaiades practicando para os examens.

ITINERARIOS ECOLÓXICOS do CUVI (II)

2010-12-09T22:09:00.003+01:00

O ano pasado fumos visitar os Itinerarios ecolóxicos do Cuvi, podes ver a saída aquí.

Este ano repetimos a saída dos itinerarios, aínda que tivemos mellor tempo, o tempo non dou para moito. Podes completar a visita con esta guía da natureza que ofrece a Oficina da Medio Ambiente da Universidade de Vigo.

XESTIÓN DUN BOSQUE FILANDÉS

2010-11-28T22:37:00.005+01:00

UPM, é unha empresa Filandesa que se dedica á fabricación de papel, entre outras cousas. Esta é unha presentación que se atopa na súa páxina: XESTIÓN dun BOSQUE FILANDÉS, aínda que non ven en español é interesante que lle votedes un ollada, pois é moi visual.

RÍO FURNIA (II)

2010-11-25T00:20:00.009+01:00

Preséntovos a aula de natureza aberta do río Furnia, que foi inagurada o ano pasado coma xa vimos neste blog, a verdade está moi ben, é recomendable. Queda aí ao ladiño e ten, coma podedes ver nas seguintes fotos, comentarios interesantes sobre as plantas. O paseo polo río é do máis relaxante.

TROFEOS nos ARREDORES de TOMIÑO

2010-11-19T00:27:00.004+01:00

Os de primeiro anda a buscar polos arredores trofeos e aquí estan con exemplares de Boletus edulis, Amanita muscaria e Lactarius deliciossus

Tamén atoparon o que creo que pode ser a flor dunha Musa. Agradeceríamos que alguén aportara máis datos, sobre se é ou non iso o que colleron.

Interesante o entorno que temos.

PINTADO de CONTEDORES de RECICLAXE

2010-11-16T00:03:00.004+01:00

Nos contedores do taller nunca se acertaba a tirar o lixo seleccionado para a súa posterior reciclaxe. Agora pintáronse, para que así, non haxa que pensar moito e vaian ao lugar axeitado:

AMARELO: envases de plástico e metal
AZUL: cartón e papel SEN graxa
VERDE: restos orgánicos

Os envases de plástico ou metal de produtos fitosanitarios, de aceites para maquinaria ou de pintura non se deposita en ningún destes contedores.

As superficies de plástico, teñen unha pequena dificultade á hora de pintalas correctamente, isto débese a que se trata dun material non poroso.

Unha boa maneira de conseguir un bo acabado consiste en limpar ben a superficie e darlle un lixado suave, para que agarre mellor a imprimación.

Aplicamos a capa de imprimación en toda a superficie que imos pintar, hai que deixar unha distancia moderada entre a pistola e a superficie a pintar, uns 50 cm, pódese probar antes cun cartón e non facelo moi preto da superficie a pintar xa que senón saen goteróns e queda moi feo.

Unha vez seca a imprimación, pasamos a pintar moi amodo e de lonxe. Para que quede ben pintado debe aplicarse mais dunha capa. Deixalo secar e xa está listo.

ADIVIÑANZA

2010-11-11T23:57:00.002+01:00

Esta é a primeira adiviñanza deste curso. Imos empezar por unha fácil, fixádevos ben na flor pertence a unha familia de plantas moi coñecida e moi común.

Esta planta empregase en cosmética para hidratar e suavizar a pel e ademais ten propiedades medicinais e homeopáticas.

Na Universidade de Santiago están facendo un proxecto sobre o cultivo desta planta para evitar a explotación das poboacións naturais existentes en Galicia.

E xa non digo máis, que se non volo digo todo. Por certo, a persoa que o adiviñe ten recompensa.

VÍDEO ROZADORA

2010-11-08T14:29:00.008+01:00

As rozadoras son máquinas moi empregadas nas rozas selectivas e naqueles lugares que son de difícil acceso para as rozadoras accionadas polo tractor.

Aquí tedes o vídeo sobre a desbrozadora que vimos na aula.

TEIXEDAL de CASAIO

2010-11-08T01:45:00.010+01:00

O TEIXEDAL de CASAIO, esta na provincia de Ourense, preto do Barco de Valdeorras (Carballeda de Valdeorras) perdido e case ancorado no pasado, de feito é un bosque relicto da época terciaria.

No teixedal atópanse uns catrocentos pés de Teixo(Taxus baccata), de case 500 anos de idade, xunto con outras especies de Rebolos, Acivros, Freixos, Ameneiros, Capudres,... en poucos sitios de Europa podemos atopar algo semellante; sen embargo non ten as suficientes figuras de protección. Só mencionan Pena Trevinca coma ZEPVN, podemos supoñer que entra no paquete o Teixedal; pero evitan nomealo, só pola súa singularidade podería ser Monumento natural, tesouro coma este non é fácil de atopar. Será, por casualidade que están as minas de lousa xa moi preto del?

O Teixedal de Casaio está ameazado, a pesares de estar nun recuncho case perdido, as canteiras de lousa vótanse enrriba del, é deprimente sentir tanta beleza rodeada do cascallo das canteiras.

A lousa empregase, principalmente, como material para cubrir os teitos das casas, é unha rocha de gran moi fino e cor negro azulado. O que non se pode permitir é esta explotación salvaxe e facer un dano que sería irreparable.

A película Pradolongo, que moitos de vós xa coñeceredes, fala entre outras cousas da problemática das canteiras.A planta do Teixo é tóxica e segundo conta algúns historiadores, os galaicos ante a invasión das tropas romanas e para evitar renderse preferiron suicidarse colectivamente no monte Medulio engulindo o veleno extraído do teixo.

RECOLECCIÓN e EXPOSICIÓN de COGOMELOS

2010-11-03T00:41:00.007+01:00

Despois duns días de choiva escampou e non podemos ter un día mellor que este. Os piñeirais e as brañas de Pinzás ofreceron o resto.

...e coma tódolos anos J.Luis Pérez Roman tróuxonos cogomelos de Celanova. Aquí tedes a exposición:

Os de 1º estan co cultivo de Pleurotus ostreatus, que xa comentamos neste mesmo blog o ano pasado. Para velo pincha aquí.

O HOME QUE PLANTABA ÁRBORES

2010-10-21T01:20:00.008+02:00

Aínda que facía tempo que lera este conto, tiñao esquecido na memoria e unha amiga lembroumo. O home que plantaba árbores é un conto escrito polo francés Jean Giono no 1953. Trátase dunha fermosa historia sobre o coidado do medio ambiente e sobre como un só home pode lograr cambiar, con moito traballo e moita paciencia, toda unha paixase.

Aquí podedes ler o conto e algo sobre a orixe do mesmo.

MONTE ALOIA

2010-10-19T01:08:00.012+02:00

É a primeira saída deste curso e penso que gustou. A verdade é que tivemos un tempo estupendo e no monte Aloia sempre somos ben recibidos, o cal agradécese. Ademais tivemos un colega do CIFP A Granxa, Marcos, que aportou os seus coñecementos á saída.

Sorprendeume gratamente que os de primeiro xa recoñecían e rumoreaban nomes científicos de plantas, fentos e cogomelos. As fotos non son moi boas; pero valen para darnos unha idea.

VIVIR PARA VER

2010-10-18T01:17:00.005+02:00

A Xunta de Galicia cambiou un catálogo de árbores xa impreso, por estar prologado por un alto cargo do bipartito.

Fonte da nova eiqui

O peor de todo isto xa non é o despilfarro de cartos senón as árbores taladas que irán parar ao lixo, porque tres verbas con un nome e dous apelidos non son os axeitados.

e para recrear a vista:

I CONCURSO de FOTOGRAFÍA DIXITAL MADEIRA XUSTA

2010-10-03T12:23:00.010+02:00

A campaña Madeira Xusta puxo en marcha o "I Concurso de Fotografía Dixital MADEIRA XUSTA", no que a súa temática xeral son os bosques e o sector da madeira, e en particular aspectos relacionados co desenvolvemento sostible, a biodiversidade ou o impacto ambiental. Os participantes, profesionais ou afeccionados á fotografía, poderán presentar os seus traballos ata o próximo 20 de outubro.

Os participantes poderán presentar ata un máximo de tres imaxes, en cor ou branco e negro, en formato dixital JPG, cunha resolución mínima de 300pp e un peso máximo por arquivo de 3MB. As fotografías deberán enviarse exclusivamente por correo electrónico á dirección info@maderajusta.org indicando no asunto "I Concurso de Fotografía Dixital MADEIRA XUSTA".

As obras seleccionadas serán expostas o próximo mes de novembro en Biocultura 2010, a feira nacional máis importante de produtos ecolóxicos e consumo responsable. Ademais, o autor da mellor fotografía recibirá como premio unha cesta con derivados forestais con certificado FSC e de Comercio Xusto.

Bases completas eiqui

FRAGAS DO EUME

2010-10-02T10:15:00.009+02:00

Os de 1º do ano pasado, se curraron a venda de planta que produciron e con eses cartiños se pasaron dous días nas fragas do Eume. Cónstame que o pasaron moi ben pois as anécdotas da saída son moitas (por certo xa me explicaron de primeira man o da serpe con as), ademais de gozar dun parque natural descoñecido para a xente do Sur.

Juanjo envioume as fotos que fixo da saída e aí as tedes para lembrar. Os deste ano tamén o podedes conseguir, só o tedes que traballar.

Para saber máis das fragas do Eume:
www.viveaonatural .xunta.es
http://gl.wikipedia.org/wiki/Fragas_do_Eume
www.eumeturismo.org
Fragas do Eume kaiak

PRESENTACIÓN CURSO

2010-09-16T10:59:00.003+02:00

A presentación do curso deste ano ao final queda para o día 24 de setembro de 11 a 12 horas.

INICIO CURSO 2010-2011

2010-09-09T23:29:00.005+02:00

O verán xa está a piques de rematar, de feito o inicio do curso está previsto preto do Equinoccio de outono. O día 21 de setembro voltamos ás aulas. Supoño que estaredes con moitas gañas de traballar, de estudar, de comentar as vosas experiencias do verán e por suposto de empezar o curso con moita enerxía, dentro de pouco xa estaremos ás voltas cos cogomelos e saboreando o outono.

Estade de tódolos xeitos atentos, pois sempre pode haber cambios de última hora.

DÚAS PERSOAS VALENTES

2010-08-14T21:18:00.007+02:00

Hoxe estamos de loito, Julio Martínez da Silva e Rodrigo Amo González, dúas persoas valentes, deixaron as súas vidas defendendo o noso monte e defendendo a vida e propiedades de persoas.

Seguimos tendo persoas valentes que fan feitos heroicos; pero tamén segue a haber covardes que se dedican a incendiar o monte e agocharse,... eses non dan a cara.

Para os valentes e os familiares deles as miñas condolencias, estades no noso corazón.

PEDRAS

2010-08-11T04:54:00.004+02:00

Todas teñen vida, están aí, vendo pasar o tempo, parecen quedas e inmóbiles; pero senten o noso paso e nós sentimos que nos observan, que estamos ligados a elas, teñen algo especial....

Como dixo Jose Curt, no seu libro, Más allá de la corredoira: "hay cosas que nunca lograremos entender, quizás porque somos duros como las rocas"

CONSECUENCIAS DA DEFORESTACIÓN DOS BOSQUES

2010-06-18T01:26:00.010+02:00

Non chegamos a isto; pero a este paso todo se andará, por un lado a tala indiscriminada e por outro a queima ano tras ano dos nosos bosques, así acabaremos por deforestar os escasos bosques que van quedando.

A Selva Amazónica, o pulmón verde como se "chamaba", tamén sofre as consecuencias da deforestación coa súa teima de aumentar a produción agrícola arrasan os bosques, quedando desprotexidos e ao mercé da erosión.

Nós para evitar que iso ocorra, por cada árbore que se tale en aproveitamentos forestais, plantaremos dúas.

PARA LER NO VERÁN

2010-06-15T22:10:00.004+02:00

Aínda que os títulos xa volos din na aula, era para lembrarvos que son libros moi recomendables para ler no verán. Axudan a entender o por qué do cambio da natureza galega en poucos anos.

"As bioinvasións na Galiza" de Xurxo Pérez Pintos e Xosé Bouzó Fernández, fala das especies que colonizaron a Galiza e as consecuencias negativas que supoñen no ecosistema galego.

"Historia contemporánea da destrución da natureza en Galiza" de Xurxo Pérez Pintos, fala do deterioro da natureza galega debido a políticas depredadoras e estratexias que antepoñen valores e réditos económicos ante o noso ecosistema.

Pensaredes que son libros pesimistas, en realidade o son; pero é o xeito de darlle unha explicación ás agresións que vemos nos montes galegos e poder actuar aínda que só sexa a nivel particular. Cada libro custa arredor dos 10 €.

Claro que esa realidade a tedes que coñecer pateando moito monte e en distintos lugares de Galicia, e iso tamén se pode facer no verán.

PINO MANSO de AREAS

2010-06-02T23:45:00.010+02:00

O enxeñeiro forestal Rafael Areses publicou no 1918 a “Relación das árbores notables existentes na provincia de Pontevedra”, sete foron as árbores que compuxeron esa selección: tres Sobreiras, a de Ascensión (Salceda de Caselas), de Gallobre e de Arnois (as dúas na Estrada). Dous Carballos o de Santa Margarida (Pontevedra) e de Matalobos (a Estrada). O Loureiro de Soutomaior. E o Pino manso de Areas (Tomiño).

O Pino manso de Areas desapareceu por razóns incomprensibles, a pesar de ser unha das árbores máis sobresaíntes de Galicia. Tratábase dun exemplar de propiedade particular; pero Areses logrou que fose adquirido polo Estado, para salvalo dunha corta segura. A pesar de todo non conseguiu evitar a súa desaparición.

No traballo sobre os mellores exemplares de árbores galegas: “Árbores monumentais no patrimonio cultural de Galicia”, cunha recompilación de 344 exemplares, realizado polos profesores Carlos Rodríguez Dacal e Xesús Izco pon de manifesto a necesidade e importancia da conservación deste patrimonio natural e nalgúns casos ata histórico, para evitar a súa perda ou deterioro, como pasou co Pino manso, xa que constitúen un patrimonio cultural valioso, de interese público, e irrecuperable no caso da súa destrución.

No 2007 publicouse o DECRETO 67/2007, do CATÁLOGO GALEGO DE ÁRBORES SENLLEIRAS, no que se establecen as árbores e formacións singulares merecedoras dun ámbito especial de protección e ademais regulan o procedemento para a inclusión destas árbores e formacións no catálogo, coa finalidade de protexelos de posibles riscos e ameazas, garantindo a súa conservación.

Para recrear a vista déixovos con este enlace de: Superárbores do mundo

CHUVASQUEIRO FEITO de PATACA

2010-05-27T23:36:00.015+02:00

Para non mollarnos, coma pasou outro día no CUVI, agora xa podemos mercar un chuvasqueiro feito cun bioplástico de fécula de pataca, 100% biodegradable.

O curioso deste chuvasqueiro é que leva incorporadas sementes da flora mediterránea, entón unha vez que remata a súa vida útil ou se te esqueces del no monte esas sementes chegarían a xerminar, xa que están dentro dunha boliña de “Nendo Dango” técnica do “revolucionario de la brizna de paja” de Masanobu Fukuoka, que levan as sementes nunhas boliñas de arxila e ademais levan nutrientes e as protexen de ser comidas polos paxaros antes de xermolar.

Este invento, da consultora verde G4E!, que se adican ao ecodeseño, fabrica os chuvasqueiros en Ourense e presentou este proxecto nunha Feira Internacional de China da pequena e mediana Empresa (Cismef). O prezo é un pouco caro, 15 €, pero con elo estas contribuíndo a conservar a natureza.

Nova atopada por Puri.

VISITA aos ITINERARIOS ECOLÓXICOS do CUVI

2010-05-24T16:10:00.009+02:00

Desta vez non fixo tan bo tempo e algúns pasaron frío e se mollaron; pero iso non foi culpa dos profes que avisamos de tódolos xeitos: que se chuvasqueiro, que se paraugas, que se botas de monte, que....ao final eu penso que o que queredes é endurecer o corpo para cando sexades forestais.

Así é todo, a visita foi moi proveitosa, paseamos por distintos hábitats: mato, devesa, carballeira, sobreiral, acuático e de ribeira e puidemos observar a flora característica de cada hábitat.

Vexetación de mato: Erica umbellata, Halimium alyssoides, Ulex europaeus, Ulex minor...
Devesa(bosques naturais da montaña de Galicia): Betula alba, Sorbus aucuparia...
Carballeira: Quercus robur, Betula alba, Pyrus cordata, Crataegus monogyna...
Sobreiral: Quercus suber, Arbutus unedo...
Ribeira: Alnus glutinosa, Fraxinus excelsior, Corylus avellana, Salix atrocinerea...

Quen me pode dicir en que foto está a Andoriña?

LISTAXE PROVISIONAL SEAGA

2010-05-24T15:48:00.005+02:00

Xa saíron as listas provisionais de admitidos e excluídos do Seaga, a algúns xa vós vin por aí.

Estas son as listas dos capataces
Estas son as listas dos xefes de brigada
Estas son as listas dos Peóns especializados
Estas son as listas de peón

As reclamacións rematan o día 26 de maio.

AÍ VEN O MAIO

2010-05-18T17:33:00.003+02:00

Estes días róldame pola testa o tema que popularizou Luís Emilio Batallán "ahí ven o maio" a partir dunha poesía de Curros Enríque.

LEMBRANZAS

2010-05-11T23:57:00.001+02:00

O alumnado de forestais xa tivo a súa andaina na rede, a promoción 2004-2006, deixou a súa pegada neste video.

Todos andan a buscarse a vida, uns traballando, outros continuan estudando, outros preparando oposicións,....a todos moita sorte.

Tamén quero dar a miña NORABOA a Jose Antonio Vallejo, alumno que rematou este ano e acaba de aprobar a proba de acceso ao Ciclo Superior.

LISTAS SEAGA

2010-04-30T23:09:00.004+02:00

No Seaga xa se abriu o prazo para seleccionar persoal temporal, para os que xa teñades o título podedes optar polas categorías de capataz e xefe de brigada.

Saíu no DOG do 28 de abril do 2010, o seguinte anuncio:
Anuncio do 27 de abril de 2010 polo que se fai pública a apertura do prazo de presentación de solicitudes para a incorporación ás listas previas de persoal temporal da Empresa Pública de Servizos Agrarios Galegos, S.A. (Seaga), nas categorías profesionais de enxeñeiro de montes, enxeñeiro técnico forestal, enxeñeiro técnico agrícola, capataz, xefe de brigada, peón especialista, peón, oficial administrativo e auxiliar administrativo.

Para máis información, na páxina web de Seaga www.epseaga.com

VISITA AO PARQUE NATURAL BAIXA LIMIA-SERRA DO XURÉS

2010-04-28T00:42:00.005+02:00

O Gerês acolleunos nun día de sol, nun día verdadeiramente primaveral. O primeiro en recibirnos nada máis chegar a Castro Laboreiro foi un mastín, o mastín de Castro Laboreiro, co seu mirar afable dounos a benvida (os portugueses sonche moi hospitalarios), e despois de saborear un pingo partimos cara o castelo, a subida foi nun abrir e pechar de ollos, os rapaces tiñan coma meta o cumio, inda que eu e Juanjo retrasámonos un pouquiño, as metas estaban cada tres pasos que dábamos, había moitas plantiñas en flor: Phalacrocarpum oppositifolium, Erica arborea, Lithodora prostata, Narcissus triandrus, Narcissus bulboccodium, Pterospartum tridentatum, Quercus pyrenaica ......... Dende o castelo puidemos observar os bolos graníticos dos montes do arredor e o chan degradado e totalmente espido, froito dos incendios que ano tras ano arrasaron esta zona.

De Castro Leboreiro partimos cara Lobios, sede e centro de interpretación do Parque Natural Baixa Limia-Serra do Xurés, polo camiño Tito, gran coñecedor destas terras, íanos contando historias da raia seca e facéndonos partícipes de cada recuncho que el tan ben coñece. Xa en Lobios recibiunos un axente forestal que explicou de xeito moi ameno o quefacer diario dos axentes forestais no parque, as relacións que manteñen cos poboadores desta zona e as colaboracións que realizan co Parque Nacional da Peneda-Gerês (o parque portugués e o galego forman un espazo protexido de carácter transfronteirizo único en Europa).
O xantar fixémolo nas augas termais do río Caldo. Iso si que é vida!!

Despois do relax da comida, esperábanos unha ruta pola mata da Albergaría, as plantas tiñan os gromos a rebentar ou xa no seu esplendor e foi realmente agradable ir parando en cada unha delas, observándoas e fixándose neses pequenos detalles de xeito pausado, esta é unha zona de transición floral eurosiberiana (atlántica) e mediterránea, polo que atopamos bastante diversidade. Agora os rezagados eramos tres, pois Carlos, atento ao que íamos vendo buscaba a fórmula para aprenderse o nome das especies sen esquecelas. A auga cristalina e fresca do río Limia e dos regatos aparecía e desaparecía no percorrido, na solana do monte as alvarizas lembrábanos o importante que é aquí o mel, descubrimos especies alóctonas e moitas cousas máis. Viñemos máis doutos e máis distendidos, pagou a pena. O regreso á casa fixose curto conversando con Paula.

Información do parque aqui

HORA DE LER

2010-04-23T23:37:00.005+02:00

Hoxe no centro empezou a dedicarse unha hora de lectura á semana nos cursos de ESO. Son eses intentos que facemos os profes por fomentar a lectura, para que gocedes dos momentos de lecer fronte un libro e por un tempo nos traslademos a outro lugar, outro pensamento,......e nos fagan reflexionar. En ciclos, non temos hora de ler fixa a semana; pero por iso non imos deixar de ler. Non é así?

"Oak, vivencias de un agente forestal" é un libro moi entretido e lese de camiño, pois engancha. Trátase das vivencias dun axente forestal, coñecido polo pseudónimo de Oak (Quercus robur en inglés) na provincia de Cáceres. Son relatos curtos onde nos conta anécdotas reais da súa profesión, algunhas son ata surrealistas, outras cómicas, outras dramáticas; pero todas emocionantes e co telón de fondo da natureza.

Este libro o podes atopar na Biblioteca (que dende o temporal o préstamo funciona no salón de actos). Ídesvos pelexar por el!!!!!!

ADIVIÑA esta ESPECIE

2010-04-21T00:45:00.011+02:00

Xa podedes ir á páxina web a descargar as especies para produción de madeira que faltaban. Podes ir máis rápido por aquí.

Esta semana pode que alguén estea de sorte, pois o primeiro que adiviñe de que especie se trata o libero de unha pregunta na próxima proba sobre especies frondosas. A que el elixa!!!!!

Tic-tac, tic-tac,.....o tempo empeza a contar XA! e tedes de prazo ata o venres día 23 de abril.

Só conta as respostas feitas nos comentarios do blog, pois así non temos dúbidas de datas nin de horas.

Estou pensando que me pode sair unha proba moi difíííííííííííícil................................

RÍO FURNIA

2010-04-14T01:22:00.000+02:00

O outro día Carlos comentou que o Furnia estaba catalogado coma o río máis limpo de Galicia, pois é certo, segundo estudos e análise feitos pola Universidade de Vigo e publicado no xornal

faro de Vigo.
Ademais creouse o Comité de Defensa do Río da Furnia, ante a inminente obra de instalación dunha minidepuradora.
O Furnia que pasaba ignorado pola xente allea ao concello de Tomiño ten agora unha placa na estrada Tui-A Guarda (Amorín) coa indicación da súa localización e conta cunha aula de natureza, ademais dun sendeiro con paneis informativos da flora da zona.
Xa temos outro lugar moi pretiño para gozar, cos seus muíños, coa súa flora, coa súa auga, co seu silencio,......

COLOCACIÓN MALLA ANTIHERBAS

2010-03-25T00:07:00.003+01:00

Nos últimos anos vense realizando unha actividade conxunta entre alumnado de 1º e 2º de forestais. Este ano tocoulle á renovación da malla antiherbas do invernadoiro pequeno, e así quedou.

NOVA ESPECIE DE COGOMELO EN TOMIÑO

2010-03-13T17:23:00.007+01:00

O Sparassis miniensis, recollido en bosques de Pinus pinaster en Galicia descríbese coma unha nova especie, baseándose en datos morfolóxicos e moleculares.

O autor do descubrimento que é membro do grupo micolóxico galego, Xaime Blanco Dios, recolleu esta nova especie en montes do concello de Tomiño. O Sparassis miniensis (miniensis fai referencia ao río Miño) é morfolóxicamente distinto do resto das especies do xénero Sparassis, por presentar a ramificación dos lóbulos decaidos. Os datos moleculares de ADN tamén confirman a súa singularidade.

REINICIO ACTIVIDADES LECTIVAS

2010-03-07T23:37:00.000+01:00

Co visto bo da Unidade Técnica da Consellería, o IES de Tomiño reinicia as actividades lectivas normais o luns 8 de marzo ás 9:00h

DE NOVO SEN CLASE

2010-03-02T19:39:00.000+01:00

Comunicado do Equipo directivo do IES de Tomiño: "Por orde da Unidade Técnica suspénedense indefinidamente os cursos convocados de Ciclos, PCPI e 2º de Bacharelato no IES de Tomiño ata nova orde. O edificio non presenta as condicións de seguridade mínimas para as actividades lectivas.

Polo tanto, non hai nungún curso con actividades lectivas neste momento."

MÉRCORES, DÍA 3, VOLTAMOS A CLASE

2010-03-02T16:14:00.004+01:00

O Equipo Directivo do centro informa: "Reanúdanse as actividades lectivas de 2º de Bacharelato, Ciclos formativos de Electrónica e Forestais e PCPI (Programa de Cualificación Profesional) a partir do mércores 3 de marzo".

MAÑÁ NON HAI CLASE

2010-02-28T01:57:00.002+01:00

Pois si o Xynthia, en Tomiño causou estragos, parece ser que a cuberta do IES non quedou ben parada.

Non quero nin pensar coma estará o invernadoiro!!!!!!

Temos que ir pensando que tipo de plástico iria ben para o noso. Admítense propostas.

CANTEIRAS EN CARNOTA

2010-02-27T23:53:00.003+01:00

A ampliación da Rede Natura 2000 presentada pola Consellaría de Medio Ambiente en 2007, que pretendía a ampliar o LIC Carnota-Monte Pindo en máis de 230.000 Ha, pode ser que non se leve a cabo. A nova xunta quere dar o visto bo a unha ampliación da canteira "Costa Grande 2" estendendo o impacto paisaxístico dende Muros-Noia á enseada de Carnota e ría de Corcubión, sendo visíbel dende Fisterra. Unha das paisaxes máis representativas do país, dominada polo macizo do Pindo, verase irremediabelmente estragada nun ano. Todos os montes entre Muros e Carnota son un excepcional xacemento de petróglifos, a maioría sen catalogar. Na asociación ADEGA, podes informarte máis diso.

ASTILLADORA DE TAMBOR

2010-02-20T19:20:00.005+01:00

O outro día tivemos o pracer de que Juan un dos socios da empresa BIOforga viñese a traballar preto do noso centro. Nun descanso tivo a ben de explicarnos o funcionamento da astilladora de tambor e o destino do produto astillado, que neste caso era para unha central de biomasa xeradora de electricidade.

A astilladora semimóbil, con motor diesel, modelo Jem HEM 561 é un equipo de gran dimensión con rodas, desprazada ás explotacións para realizalo astillado no campo. Pode procesar gran cantidade de biomasa en pouco tempo, ata 100.000 kg/h de árbores enteiros, polas, etc.

En Finlandia o 50% das súas necesidades de calefacción cóbrese con enerxía procedente da biomasa forestal.

Calefacción de distrito en Rovaniemi(Finlandia)

A PANTERA ROSA - AXENTE FORESTAL

2010-02-08T23:31:00.002+01:00

Para os que pensen que esta profesión é un camiño de rosas, eiqui vos deixo coa pantera rosa nun duro día de traballo.

VISITA á AULA DE NATUREZA e VIVEIRO FORESTAL de AREAS

2010-01-31T12:53:00.011+01:00

O pasado 28 de xaneiro o alumnado do Ciclo Medio de Forestais e os do PCPI fixemos unha visita a aula de natureza do viveiro de Areas, a antiga casa que ata fai uns poucos anos estaba habitaba por un axente forestal, agora esta reconvertida nun aula de natureza. Nesta tarefa acompañounos o axente forestal Manuel. Logo saímos ao exterior para velo viveiro e disfrutar das explicacións e enerxía do axente forestal Antonio, amigo noso e gran colaborador do ciclo dende fai uns anos.

PAXARIÑOS POR EIQUI

2010-01-19T01:14:00.003+01:00

O mundo das aves é apaixonante. Iste mes é un dos mellores do ano para observar paxaros. O Esteiro do Miño é o lugar axeitado para iniciarse no mundo das aves, pois eiqui habitan anátidas, limícolas e outras especies fáciles de identificar dende os observatorios de aves que se atopan na desembocadura do Miño.

A asociación naturalista Anabam, situada en A Guarda, encargase entre outras actividades, de facer saídas para observar e censar aves. Asociarse ao grupo pode axudarnos e facilitar a identificación destes cantores do lusco e o fusco.

O equipo necesario para a identificación de especies son: uns prismáticos, unha boa guía de paxaros e por suposto ter interese e gañas de disfrutar dun día na natureza. Hai xente que tamén di que se necesita moita paciencia.
Na elección de prismáticos é interesante saber que veñen marcados por un número, seguido do signo X e outro número. O primeiro número refírese ao aumento, é dicir, o número de veces que se aumenta a imaxe; o segundo é o tamaño do obxetivo en mm, é dicir, a apertura que nos indica a cantidade de luz que entra nos prismáticos. Unha boa luz fai que vexamos as cores e detalles máis claramente.

Para a observación xeral de aves, os aumentos recomendables son 7x , 8x e 9x e a apertura de 40 e 50 mm. Podes ter máis información aquí

DIVERSIDADE BIOLÓXICA

2010-01-03T00:00:00.014+01:00

O ano 2010 foi declarado pola Asamblea Xeral das Nacións Unidas, como o Ano Internacional da Diversidade Biolóxica, debido á alarmante perda de biodiversidade que sofre o noso planeta.A biodiversidade é a resultante da diversidade biolóxica e dos ecosistemas existentes nunha determinada zona.
Hai unha interdependencia moi estreita entre os seres vivos e o seu hábitat, polo tanto, se as especies están adaptadas a un medio e éste o modificamos, os seres vivos que viven nese medio non son quen de adaptarse en tan pouco tempo ás novas condicións e ... desaparecen. A perda da biodiversidade pode carrexar a nosa desaparición como especie.

A rede Natura 2000 é unha rede ecolóxica europea de áreas de conservación da biodiversidade. A súa finalidade é asegurar a supervivencia a longo prazo das especies e os hábitats máis ameazados de Europa, contribuíndo a deter a perda de biodiversidade ocasionada polo impacto adverso das actividades humanas. É o principal instrumento para a conservación da natureza na Unión Europea.

PELUSEROS

2009-12-19T23:13:00.002+01:00

Só unha familia na Sierra de Cazorla adícase á recolección do líquen dos piñeiros, chamado pelusa (eiqui barbas de vello), os que a recollen chámaselles peluseros. Esta é unha actividade dura, que require permanecer durante semanas no bosque subindo polos troncos dos piñeiros para recoller os líquenes adheridos ás súas polas. Unha vez recollidos, prénsanse e agrúpanse en alpacas para o seu transporte e venda.

Os Liquens son unha simbiose entre alga e fungo, o fungo aporta auga e sales minerais e a alga realiza a fotosíntese. Os liques son indicadores da contaminación atmosférica, pois son moi sensibles aos fosfatos e nitratos.
Empréganse para a elaboración dalgúns fármacos, e en cosmética como estabilizadores dos perfumes.

ADICATORIA

2009-12-14T01:27:00.002+01:00

Xa fai uns días que Goretti, deixou o noso centro e como tamén deixou pouso en nós.........esta entrada é para ela: Sultans of Swing, un tema de Mark Knopfler (Dire Straits) con guitarra española.

http://www.youtube.com/watch?v=OcdrVidwmPY

Que o disfrutes e sorte en todo o que emprendas.

NEGOCIOS ÉTICOS e RESPONSABLES

2009-12-11T22:48:00.002+01:00

A participación do alumnado no blog empeza a notarse, Alvaro tráenos unha noticia de actualidade e interese.

Aqui podemos ver un modelo de xestión e explotación forestal de xeito sostible. A empresa agroforestal Maderas Nobles de la Sierra de Segura , leva unha década adicada á producción sostible e ecolóxica de madeiras de alto valor (nogueiras, castiñeiros...), á restauración de bosque autóctono e a loitar contra a desertización, coa axuda das árbores. Conta co apoio e a confianza de máis de 4000 clientes. En Galicia a CMVMC de Vincios ten unha parcela de 3 Ha na falda do monte Galiñeiro, que é coidada durante o seu crecemento segundo criterios de agricultura natural e unha vez rematado o seu ciclo productivo a empresa encargase da tala, desarraigo e venta da madeira,obtendo o cliente un 90% do importe total da venta.

Esperemos que este tipo de empresas sexa o futuro!!!!

IMOS A LUXEMBURGO?

2009-12-04T12:48:00.003+01:00

A Europea-International organiza diversas competicións. As programadas por
agora son a “vitivinícola” a realizar en Hungría, do 22 ao 27 de marzo
2010 e a “forestal”, a realizar en Luxemburgo do 25 ao 29 de maio 2010.
Da “forestal”, podedes consultar na Web:

http://ecfs-2010.mysite.lu/

MAQUINARIA FORESTAL

2009-12-02T17:13:00.003+01:00

Neste vídeo podedes ver como traballa un tractor forestal de alta estabilidade, unha procesadora, un autocargador e un skkider.

O tractor todoterreo de alta estabilidade (T.T.A.E.), está dotado dun sistema de nivelación automático que mantén o nivel que elixa o operario. Os que desenvolveron esta máquina son españois e é fabricada por unha empresa do grupo ENCE: TECFORM.

A procesadora ou colleitadora forestal, co cabezal colleitador realizando as operacións de apeado, procesado e apilado da madeira.

O autocargador dispón dun guindastre hidráulico que recolle as trozas e vainas depositando sobre a caixa de carga.

O skkider ou tractor de arrastre transportando árbores enteiras mediante un cabestrante.

E ISTO, QUE É?

2009-11-24T22:22:00.004+01:00

As especies foráneas colonizan as nosas hortas. Esta aínda non fixo estragos; pero sabes de que especie se trata?. O que o acerte leva un premio.

A CASTAÑA

2009-11-19T16:41:00.014+01:00

Dise que os Romanos distribuiron por Europa o Castiñeiro e mediante cultivos lograron aumentar as poboacións.

A castaña foi a base da alimentación tradicional, ocupando un lugar destacado, como o pode ocupar hoxe en día a pataca.

O magosto era a festa de agradecemento pola colleita que brindada a terra, festa que coincidía coa recollida das castañas e que se segue a celebrar.

O castiñeiro sofre unha grave enfermidade coñecida coma tinta do castiñeiro, provocada por un fungo que o acaba matando e está minguando as poboacións principalmente nas zonas costeiras.

Un aproveitamento da castaña que ten proxección internacional é o marrón glacé, se queres saber algo máis: http://www.youtube.com/watch?v=1UKdE_GjgJw

CULTIVANDO PLEUROTUS OSTREATUS

2009-11-17T22:55:00.002+01:00

O saprofitismo baséase nunha relación de aproveitamento da materia orgánica en descomposición por parte do fungo. Exemplos desta forma de vida son o caso do Pleurotus ostreatus, que introduce as súas hifas nas células mortas da materia que se está descompoñendo e absorve o seu contido. Neste caso o fungo non fai ningún mal á pranta, xa que entra no momento en que esta morta.

Os fungos saprófitos, son os grandes aliados da natureza xa que se encargan de descompoñer a materia orgánica que se acumula no monte en formas máis sinxelas para que sexan de fácil absorción.

EXPOSICIÓN DE COGOMELOS

2009-11-16T17:12:00.000+01:00

Iste ano non puido ser, estábamos tod@s con moitas gañas de buscar cogomelos; pero o tempo non axudou. Outro ano será.

Menos mal que o Luís P. Román se lembrou de nós e eiqui estamos con aires de Chantada (que de ahí veñen os cogomelos) e coa exposición montada.

XANZÁ

2009-11-15T11:40:00.001+01:00

Moitos preguntaranse de onde saíu o nome de xanzá, é unha danza, un cogomelo,...?

Pois é unha herbácea, que de seguro non atoparedes por Tomiño e chámase Gentiana lutea subsp. aurantiaca, vulgarmente coñecida coma Xanzá en galego e Genciana en castelán.

Ésta foi atopada nos Ancares lucenses, nun sitio que non volo digo pero dou pistas: está a máis de 1000 m de altitude e perto hai un porto moi coñecido. Florece en xuño-agosto